Ysgol uwchradd gymunedol cymysg a dwyieithog, gyda thua 1500 o ddisgyblion yw Ysgol Uwchradd y Frenhines Elisabeth. Mae’n darparu addysg i bob ystod gallu rhwng 11 a 18 oed. Sefydlwyd yr ysgol ym Medi 2005 drwy uno Ysgol Uwchradd y Frenhines Elisabeth Cambria ac Ysgol Uwchradd y Frenhines Elisabeth Maridunum. Gellir olrhain ei gwreiddiau yn ôl i’r flwyddyn 1576 pan sefydlwyd Ysgol Ramadeg y Frenhines Elisabeth yn Stryd y Priordy, Caerfyrddin er budd masnachwyr y dref. Y mae’r ysgol newydd yn ymwybodol iawn felly ei bod yn rhan o draddodiad sy’n rhychwantu 430 mlynedd o lwyddiant academyddol ac allgyrsiol.
Lleolir yr ysgol yn nyffryn hyfryd yr Afon Tywi ac y mae iddi dalgylch bennaf wledig sy’n cwmpasu’r rhan helaeth o Sir Gaerfyrddin yn cynnwys tref farchnad y sir. Ar hyn o bryd, y mae’r campws cyfan yn cael ei ail ddatblygu gyda miliynau o goffrau’r Cyngor Sir yn cael eu buddsoddi ar gyfer:
ysgol newydd bwrpasol i 1600 o ddisgyblion.
cyfleusterau hamdden eang ac adnewyddol yn cynnwys pwll nofio safon cystadlu ynghyd ag amryw adnoddau arbennig ychwanegol.
cyfleusterau chwaraeon allanol newydd sbon, yn cynnwys cyrtiau tenis, maes pob tywydd, trac rhedeg a chaeau chwarae.
Cwblheir y rhaglen adeiladu yn ystod y flwyddyn academaidd 2008/09, a thrwyddi fe ddarperir gyfleusterau anhygoel i holl ddisgyblion a staff yr ysgol.
Ceir gysylltiadau effeithiol ar lefel academig, bugeiliol a chymdeithasol rhwng yr ysgol a’i dwy ar bymtheg ysgol gynradd partnerol benodol. Yn flynyddol daw disgyblion o wyth ysgol gynradd ychwanegol, ysgolion sydd y tu hwnt i ffiniau’r dalgylch swyddogol.
Y mae’r ysgol yn falch iawn o lwyddiannau holl aelodau’i chymuned a goddefir dim llai na’r safonau uchaf mewn gwaith, ymddygiad, agwedd ac ymddangosiad.
Cenhadaeth penodedig yr ysgol yw Ymlaen Gyda’n Gilydd - y mae ei holl aelodau yn symud ymlaen er mwyn darparu rhagoriaeth addysgol. Gwelir y genhadaeth hon fel ymgorfforiad o:
GYMERIAD YR YSGOL
Mae’n ddatganiad o gyd-benderfyniad, wedi’i wreiddio mewn diwylliant addysgol. Mae’n amlwg yn y berthynas a’r cyswllt rhwng aelodau cymuned yr ysgol.
YMDDYGIAD YR YSGOL
Mae’n tanategu ac yn ymledu ymddygiad presennol pawb a wnelo â chymuned yr ysgol, wrth iddynt weithio mewn undod tua’r nod o ragoriaeth addysgol.
EGWYDDORION YR YSGOL
Mae’n ddatganiad gyfunol, uchelgeisiol bod yr ysgol yn edrych tua’r dyfodol gydag ymrwymiad i gynnydd addysgol.
Gweledigaeth yr ysgol yw am gymuned alluog, ymatebol, gynhwysfawr, dwyieithog a chefnogol, cymuned sydd â’r safonau addysgu a dysgu uchaf posib.
Nod yr ysgol yw sicrhau llwyddiant pob plentyn. Cyflawnir hyn drwy:
sicrhau hawl bob unigolyn i addysg sy’n anwesu goleuedigaeth, cydymdeimlad a gweithgaredd.
galluogi deallusrwydd moesol ac ethegol, hunaniaeth, cyfrifoldeb, doethineb a’r gweledigaeth i dyfu.
bod yn uchelgeisiol yn ei gwaith a meddu ar hyder ym mhob plentyn i lwyddo.
Os oes gennych gwestiynau pellach, cysylltwch â ni yn ddi-oed. Os ydych yn ddarpar ddisgybl, yn rhiant neu’n ddarpar weithiwr sydd â diddordeb mewn ymweld â’r ysgol, ein pleser ni fyddai’ch tywys o gwmpas.
